Prezıdent syıǵa tartylǵan tulparlardy arnaıy baryp kórdi
ASTANA. KAZINFORM – Memleket basshysy Qasym-Jomart Toqaev mamyr merekesinde ár jyldary syıǵa tartylǵan tulparlardyń kútimin kórip qaıtý úshin Prezıdent Іs basqarmasynyń atqorasyna arnaıy bardy. Bul týraly BORT №1 habarlady.
Prezıdent bir jyl buryn Aqalteke tuqymynan týǵan qylań boz taıdy Aqjan dep ataǵan edi. Shoqtyǵy bıik, qaz moıyn, qamys qulaq, denesi sylyńǵyr, kózi taý sýyndaı tup-tunyq, júrisi pań, óte esti janýar ekeni búkil bolmys-bitiminen baıqalyp turady.
Aqalteke tuqymyna jatatyn arǵymaqtardyń qataryna birneshe aı buryn qula tústes qulyn da qosyldy. Memleket basshysy oǵan Aqnıet dep at qoıdy. Attyń synyn jaqsy biletin mamandar keleshekte halyqaralyq jarystarda top jaratyn tulpar bolady dep baǵalap otyr.
Sonymen qatar Prezıdent Іs basqarmasynyń atqorasynda jaqynda Qatar elinen syıǵa kelgen araby arǵymaqtar da bar.
Qasym-Jomart Toqaev arasynda osynda kelip, jylqylarǵa óz qolymen jem berip turady.
Aıta ketelik Halyqaralyq kınologııa federatsııasynyń prezıdenti Tamash ıAkkel Aqorda aýlasynda ornatylǵan tazy músinin kórip, tańdanysyn jasyrmaǵan edi.
