Prezıdent synyna ilikken ózbekstandyq aýdan ákimi konteınerde turyp jatyr
TAShKENT. KAZINFORM — Ózbekstan prezıdenti Shavkat Mırzıeevtiń synynan keıin Naryn aýdanynyń ákimi jumys keńsesin konteınerge aýystyrdy, dep habarlaıdy Kazinform agenttiginiń menshikti tilshisi.
Aıta keteıik, 16 qyrkúıekte Namangan oblysyna jumys saparymen barǵan Shavkat Mırzıeev Naryn aýdanyndaǵy «Shýrarık» mahallıasynyń jaı-kúıimen tanysty.
Tıisinshe, Ózbekstan basshysy ınfraqurylymy kúırep turǵan mekenniń ákimin synǵa alyp, oǵan ákimdik ǵımaratyn tastap, atalǵan mahallıanyń eski nysanyna kóshýdi tapsyrdy.
Sondaı-aq, oǵan osy aýmaqta túnep, máseleni tolyq sheshýdi júktedi. Osyǵan baılanysty aýdan ákimi keńsesin «Shýrarık» mahallıasyndaǵy konteınerge aýystyrdy.
Eske salaıyq, Ózbekstanda mundaı ádis 2021 jyldan beri qoldanylyp keledi. Buǵan deıin Shavkat Mırzıeev birneshe aýdan ákimine konteınerde turyp, aýmaqtyń máselesin sheshýdi tapsyrǵan bolatyn. Mundaı ádis halyq arasyndaǵy negizgi túıtkilderdi kózben kórip, ony júıeli sheshý úshin qoldanylady.
Buǵan qosa, kólik keptelisinde uzaq turǵan Ózbekstan prezıdenti taıaýda Іshki ister mınıstin synǵa alǵan edi.