Prezıdent Sı Tszınpınge kóńil aıtý jedelhatyn joldady
ASTANA. KAZINFORM – Memleket basshysy QHR Tóraǵasy Sı Tszınpınge kóńil aıtý jedelhatyn joldady. Bul týraly Aqordanyń baspasóz qyzmeti habarlady.
Qasym-Jomart Toqaev jedelhatta Qytaıdyń Hýnan ólkesindegi pırotehnıkalyq zaýytta bolǵan jarylys saldarynan kóptegen adamnyń qaza tabýyna baılanysty sýyt habardy tereń kúızelispen qabyldaǵanyn jazǵan.
Prezıdent jaqyndarynan aıyrylǵan otbasylarǵa sabyr, al jaraqat alǵan adamdardyń saýyǵyp ketýlerine tilektestik bildirdi.
Eske sala keteıik, buǵan deıin Qytaıda feıerverk fabrıkasyndaǵy jarylystan 21 adam qaza taýyp, 61 adam zardap shekkenin jazǵan edik.
