Prezıdent: ShYU terrorızmge qarsy qurylymy aıasynda Aqparattyq qaýipsizdik ortalyǵyn qurý kerek
«Álemdik týrbýlenttik úsh jaýyzdyqtyń, atap aıtqanda separatızm, terrorızm men ekstremızm kúshteriniń bas kóterýine ákep soqty. Órship bara jatqan qaýipterge degen bizdiń uıymnyń oryndy jaýaby – separatızm, terrorızm men ekstremızmge qarsy ShYU-ǵa múshe memleketterdiń yntymaqtastyq baǵdarlamasyn ınternette de belsendi túrde júzege asyrýdan kórinip tur. Qoǵamdyq jáne ekonomıkalyq salalardyń onlaın rejımge ótýi – kıberqaýipsizdik máseleleriniń mańyzdylyǵyn alǵa shyǵarady. Sol sebepti biz jedel túrde ShYU Aımaqtyq Terrorızmge qarsy Qurylym aıasynda (ShYU TQQA) Aqparattyq qaýipsizdik ortalyǵyn qurýymyz kerek dep esepteımiz», - dedi Qasym-Jomart Toqaev vıdeokonferentsııa rejıminde ótip jatqan Shanhaı Yntymaqtastyq Uıymyna múshe memleketter basshylarynyń keńes otyrysynda.
Aıta ketsek, Memleket basshysy Qasym-Jomart Toqaev vıdeokonferentsııa rejıminde Shanhaı Yntymaqtastyq Uıymyna múshe memleketter basshylarynyń keńes otyrysyna qatysty.
