Prezıdent shyrshasynan soń balalar Qyzylordanyń kórikti jerlerin aralady
QYZYLORDA. QazAqparat - Ádettegideı, bul merekege búkil oblystan oqý ozattary, az qamtylǵan jáne kóp balaly otbasylardyń balalary jáne «Atameken» balalar aýylynyń tárbıelenýshileri shaqyryldy, dep habarlady QazAqparat tilshisi.
Bıyl balalar úshin qala boıynsha ekskýrsııa uıymdastyryldy. Olar oblystyq tarıhı-ólketaný mýzeıin, Á.Tájibaev atyndaǵy kitaphanany, ortalyq alańdy jáne ózge de Qyzylordanyń kórikti jerlerimen tanysty.
Merekelik is-shara Elbasy N.Nazarbaevtyń jańajyldyq quttyqtaýymen bastaldy.
Oblys ákimi Qyrymbek Kósherbaev balalardy kele jatqan Jańa jylmen quttyqtap, izgi tilekterin aıtty.
«Búgin elimizdiń barlyq óńirinde Elbasy atynan balalarǵa arnalǵan jańa jyldyq shyrsha ótýde. Elimizdiń túkpir-túkpirinde balalar jańajyldyq shyrshanyń janynda jınalyp, armandarynyń oryndalýyn úlken úmitpen kútýde. Sizder tańǵajaıyp kezeńde ómir súresizder. Ǵasyrlar boıy oryndalmas arman dep sanalatyn kóptegen ǵajaıyptar búginde shyndyqqa aınaldy. Sizderdiń jaqsy oqyp, halyqaralyq olımpıada, shyǵarmashylyq jáne sporttyq baıqaýlarda jeńimpaz atanyp júrgenderiń meni qýantady. Bolashaqta árqaısylaryń elimizdiń maqtanyshy bolatyndaryńa senemin», - dedi Q.Kósherbaev.
Óz kezeginde, oqýshylar aımaq basshysyna jan-jaqty qoldaý men qamqorlyq kórsetkeni úshin alǵystaryn aıtty.
Іs-shara sońynda merekelik kontsert uıymdastyrylyp, táttiler men syılyqtar taratyldy.
