Prezıdent Shymkenttegi toılardy synǵa aldy

ASTANA. QazAqparat - Memleket basshysy Nursultan Nazarbaev ulan-asyr toılardyńaqshasyn tekke shashpaı, tıimdi sharalarǵa jumsaýǵa úndedi, dep habarlaıdy QazAqparat tilshisi.

«Shymkent qanshama toıhanany salyp tastady. Qazir de salynyp jatyr. Dalada 200-500 adamǵa dastarhan jaıyp tastaıdy da, tabaqty atpen ákelip taratady. Odan da bul aqshany jastarǵa bereıik, baspana alsyn. Olar úshin eń úlken syılyq bolady», -dedi N.Nazarbaev Qazaqstan halqy Assambleıasynyń XXVІ sessııasynda.

Otyrys barysynda Memleket basshysy «7-20-25» baǵdarlamasyn halyqqa túsinikti tilde jetkizýdi tapsyrdy. Sebebi sheneýnikter tym kúrdeli tilmen túsindirip jatady. «Baǵdarlamanyń tıimdi tustaryn túsinikti tilde jetkizý kerek. Áıtpese, adamdar túsinbeıdi. Adam úsh bólmeli úıdiń tek 20 protsentin ǵana tóleıdi. Osylaı túsindirý kerek. Eń bastysy, aqshany berińder. Baspana salynsyn. Boldy. Áli esimde, bes áleýmettik bastamany jeke-jeke talqylaǵanda san alýan suraqtar boldy. Aqsha joq dedi. Qalaı joq? Taptyq qoı. Mine, endi «7-20-25» baǵdarlamasyn bastaıyn dep otyrmyz», -dep atap kórsetti N.Nazarbaev.

QR Ulttyq banki tóraǵasy Danııar Aqyshevtiń aıtýynsha, «7-20-25» memlekettik baǵdarlamasy mamyr aıynda qabyldanady. Al ekinshi jartyjyldyqta baǵdarlama talaptaryna saı keletin azamattar arzan ıpotekany ala alady.

Aıta keteıik, Qazaqstan halqy Assambleıasynyń XXVІ sessııasynda QR Ulttyq bank tóraǵasyDanııar Aqyshev Prezıdentke «7-20-25» baǵdarlamasy týraly aıtyp berdi. Memleket basshysy atalǵan bastama aıasynda arzan ıpotekany aldymen jas otbasylarǵa berýdi usyndy.