Prezıdent Shymkent mańyndaǵy eldimekender máselesin kóterdi
Qasym-Jomart Toqaev qalada kólik-logıstıka jáne ınjenerlik ınfraqurylymdy jetildirý qajet ekenin aıtty.
«Qalanyń aınalma jolyn tuıyqtaıtyn avtojoldy tezirek iske qosýdy jáne jańa áýejaı termınalynyń qurylysyn ýaqtyly aıaqtaýdy tapsyramyn.
Sońǵy kezde shaharǵa irgeles jatqan 41 eldi meken qosyldy, sol sebepti ınjenerlik ınfraqurylymnyń qýatyn arttyrý qajettigi týyndady. Osy maqsatqa 4 jylda respýblıka bıýdjetinen 135 mıllıard teńgege jýyq qarjy bólindi. Sonyń nátıjesinde aýyz sý, elektr qýaty jáne gaz máselesi birshama retteldi. Jyldyń sońyna deıin 15 myń turǵyny bar Qursaı aýmaǵyna aýyz sý jetkiziledi. Kelesi jyly qala ortalyǵynan shalǵaı ornalasqan 2 eldi mekenniń sý máselesin tolyq sheshýdi tapsyramyn», - dedi Q.Toqaev.
Sondaı-aq Prezıdenttiń aıtýynsha, óńirdegi taǵy 8 eldi mekende gaz múldem joq.
«Qazir 8 eldi mekende sapaly elektr júıesi joq. Aldaǵy jyly bul máseleni tolyǵymen sheshý qajet. Sondaı-aq taǵy 8 eldi mekende gaz múlde joq. Úkimet pen ákimdikke bul jerlerge gaz jetkizý úshin qarjy bólý máselesin pysyqtaýdy tapsyramyn, – dedi Memleket basshysy.
Aıta ketsek, Prezıdent Shymkent qalasyna jumys saparymen kelgen bolatyn. Q.Toqaev shahardy damytýǵa 170 mıllıard teńge qarjy bólingenin aıtty.