Prezıdent ShQO agrarshylaryna aýyl sharýashylyǵy ónimderin qaıta óńdeýmen belsendi aınalysýdy tapsyrdy
ÓSKEMEN. QazAqparat - Nursultan Nazarbaev Shyǵys Qazaqstanda sút ónimderin óndirýge, mal jáne egin sharýashylyǵyna mamandanǵan «Maıly daqyldardyń tájirıbelik sharýashylyǵy» JShS-nyń jumysymen tanysty. Sondaı-aq agrarlyq dınastııa ókilderimen kezdesti, dep habarlady «QazAqparat» HAA tilshisi.
Agroholdıng basshysy Farıd Abıtaev pen dırektor Rıshat Ahmadıev Prezıdentti tájirıbeli-selektsııalyq egistik alańdarymen tanystyrdy, onda astyq jáne maı daqyldarynyń biregeı elıtaly surpyn ósiredi, sondaı-aq 600 malǵa arnalǵan sút-taýarlyq fermany kórsetti. Sharýashylyq joǵary ónimdi dándi-daqyl jáne kúnbaǵys, soıa, zyǵyr, maıly shomyr reprodýktsııasy tuqymdaryn óndirýmen aınalysady.
Sút-taýarlyq fermada QR Prezıdentine AQSh-tan qaryz alyp, ferma úshin arnaıy aýyl sharýashylyǵy jabdyǵyn shyǵarǵan kásiporyn basshylary aýyl sharýashylyǵy tehnıkasyn kórsetti. Prezıdent óz kezeginde, «tehnıka sapasy túpnusqadan kem bolmaı, óndiris kólemderine sáıkes kelýi tıis» ekenin atap ótti.
Tájirıbeli agrarshylarmen áńgime barysynda Memleket basshysy «qaıta óńdeýmen aınalysý qajettigin» atap ótti. Ol Qazaqstanda 40 mln ga bar ekenin, jumysyna 5 paıyz ǵana adamdar jumyldyrylǵanyn, alaıda bul adamdardyń jumysy ázirge tıimdi bolmaı turǵanyn eske saldy.
