Prezıdent Іshki ister mınıstri Erjan Sádenovti qabyldady

ASTANA. KAZINFORM - Qasym-Jomart Toqaevqa elimizdegi krımınogendik jaǵdaı týraly aqparat berildi.

Erjan Sádenovtiń aıtýynsha, jyl basynan beri qylmystyń tómendeýi baıqalady. Qylmystyq quqyqbuzýshylyq – 5,5 myńǵa, qylmys 10 myńǵa azaıǵan.

Qoǵamdyq oryndarda jáne kámeletke tolmaǵandardyń qatysýymen jasalǵan quqyqbuzýshylyqtar sany tómendedi. Sonymen qatar qylmysty ashý kórsetkishteri jaqsardy.

Mınıstr elimizde «Zań men Tártip» qaǵıdatyn iske asyrý, quqyqbuzýshylyqqa «múldem tózbeýshilik» jáne onyń aldyn alý sharalary týraly habarlady.

Jyl basynan beri ákimshilik quqyqbuzýshylyqtyń jolyn kesý 40 paıyzǵa artty, sonyń ishinde usaq buzaqylyqtyń aldyn alý 30 paıyzǵa, kólik qozǵalysy erejelerin buzýǵa jol bermeý 48 paıyzǵa kóbeıdi. Kólik júrgizý quqyǵynan aıyrylǵan júrgizýshiler 32 paıyzǵa artty, olardyń qatarynda mas kúıde rólge otyrǵany úshin jaýapqa tartylǵan azamattar bar. Іzdeýde júrgen 1,6 myńnan astam qylmysker ustaldy, olardyń 158-i shetelde tutqyndaldy.

Sondaı-aq Memleket basshysy uıymdasqan, kıber jáne esirtki qylmystaryna qarsy is-qımyl, jol qaýipsizdigin qamtamasyz etý, qylmystyq atqarý júıesin jetildirý jáne kadr úderisterin tsıfrlandyrý jónindegi tapsyrmalarynyń oryndalý barysymen tanysty.

Kezdesý sońynda Qasym-Jomart Toqaev elimizdegi quqyqtyq tártip pen qoǵamdyq qaýipsizdik deńgeıin odan ári arttyrý boıynsha birqatar tapsyrma berdi.