Prezıdent ShYU burynǵy Bas hatshysyn «Dostyq» ordenimen marapattady
ASTANA. KAZINFORM – Beıjińde Qazaqstan Respýblıkasynyń prezıdenti Qasym-Jomart Toqaevtyń Jarlyǵymen Shanhaı yntymaqtastyq uıymynyń burynǵy Bas hatshysy Chjan Mın ekinshi dárejeli «Dostyq» ordenimen nagradtaldy. Bul týraly 24.kz jazdy.
Mártebeli orden uıymǵa múshe memleketter arasyndaǵy tabysty ózara is-qımyldy qamtamasyz etýge qosqan eleýli úlesi úshin berildi. Marapatty Qytaıdaǵy tótenshe jáne ókiletti elshi Shahrat Nuryshev tabys etti. Ol Qazaqstan uıymǵa tóraǵalyq etken kezeńde Hatshylyqtyń jumysyn sapaly júrgizip, 2024 jylǵy Astana sammıtiniń tabysty ótýine zor úles qosqany úshin alǵys bildirdi. Óz kezeginde Chjan Mın Qazaqstannyń Shanhaı yntymaqtastyq uıymyndaǵy roline toqtalyp, joǵary deńgeıdegi orden úshin Prezıdent Qasym-Jomart Toqaevqa alǵysyn bildirdi.
Eske sala keteıik, buǵan deıin Memleket basshysy Sıngapýrdyń Prezıdentin Dostyq ordenimen marapattaǵan bolatyn.