Prezıdent Shymkenttegi boıjetkenniń ólimine qatysty Bas prokýratýraǵa tapsyrma berdi
QYZYLORDA. KAZINFORM — Shymkentte Nuraı esimdi boıjetkenniń kisi qolynan qaza bolýy búkil eldi dúrliktirdi. Bul týraly Ulttyq quryltaıdyń V otyrysynda Memleket basshysy Qasym-Jomart Toqaev málim etti.
— Shymkentte Nuraı esimdi boıjetkenniń kisi qolynan qaza bolýy búkil eldi dúrliktirdi. Ulttyq quryltaıǵa osy oqıǵa boıynsha 130-dan astam ótinish kelip tústi. Kúdiktiniń Nuraıdy ańdyp, maza bermeı, qoqan-loqy kórsetkeni anyqtalyp otyr. Aqyry, onyń arty adam ólimine ákep soqtyrdy. Osyǵan baılanysty Іshki ister mınıstrligine Shymkent qalalyq departamentiniń áreketine quqyqtyq baǵa berýdi tapsyrdym. Bas prokýror da bul máseleni muqııat tekseredi, — dedi Qasym-Jomart Toqaev.
Aıta keteıik, marqum Nuraı Serikbaıdyń ólimine kúdikti retinde 28 jastaǵy Shymkent qalasynyń turǵyny ustalyp, ýaqytsha ustaý ızolıatoryna qamaldy.