Prezıdent: Shıkizattyq emes eksportty qoldaýdyń memlekettik saıasatyna basa nazar aýdarylady
ASTANA. QazAqparat - Bes ınstıtýttyq reforma, ındýstııalandyrýdyń ekinshi besjyldyǵy jáne «Nurly jol» jańa ekonomıkalyq saıasaty aıasynda ekonomıka ósiminiń draıverlerin satylap qurý qajet. Búgin altynshy saılanǵan QR Parlamentiniń ekinshi sessııasyn ashý barysynda sóz sóılegen QR Prezıdenti Nursultan Nazarbaev osylaı málimdedi.
«Buǵan bizdiń barlyq múmkindikterimiz bar. Shıkizattyq ónimderge álemdik baǵanyń qubylý áserinen táýelsiz bolýǵa qatysty jumysty jalǵastyrý da biz úshin mańyzdy. Men bul týraly árdaıym aıtyp kelemin. Munaı men gazǵa, metalǵa álemdik baǵa quldyrap edi, bizdiń kirisimiz qyryq paıyzǵa tómendedi. Sondyqtan da, biz shıkizattyq emes eksportqa baǵdarlanǵan ónimdi qoldaý saıasatyn júrgizetin bolamyz», - dedi N. Nazarbaev.
Bul rette Elbasy jaqynda ótken Polshaǵa saparyna nazar aýdartty. «Polshanyń jumysy jaqsy jolǵa qoıylǵan. Memleket barlyq nazaryn ónimderdiń eksportqa baǵyttalýyna arnap, tamasha jumys istep jatyr. Kez-kelgen ónim eksport úshin shyǵarylady. Olar jergilikti ózin-ózi basqarýdy da jaqsy deńgeıge jetkizdi. Shaǵyn jáne orta bıznesti damytýda da jetistikteri barshylyq, ekonomıkalarynyń 67 paıyzy solardyń úlesinde. Aýyl sharýashylyǵy salasynda da jetistikter az emes. Biz Polshaǵa mamandar tobyn attandyramyz, olardan ózimizge alýǵa bolatyn tájirıbelerdi zerdeleý kerek», - dedi N. Nazarbaev.
