Prezıdent Sheteldik ınvestorlar keńesiniń jańa múshelerin tanystyrdy

ASTANA. QazAqparat – Prezıdent Qasym-Jomart Toqaev Astana halyqaralyq forýmy aıasynda ótip jatqan Sheteldik ınvestorlar keńesiniń otyrysynda uıymnyń jańa múshelerin tanystyrdy, dep habarlaıdy QazAqparat tilshisi.

«Búgingi sheteldik ınvestorlar keńesiniń otyrysy da óz nazaryn qazirgi ınvestıtsııalyq klımatqa, sondaı-aq osy qaterlerdi eńserýge qajetti múmkindikterge shoǵyrlandyrady dep esepteımiz.

Ekinshiden, sheteldik ınvestorlar keńesi otyrysynyń 25 jyldyǵyn atap ótip otyrmyz. Osy jyldar ishinde bul keńes tiımdi dıalog alańyna aınaldy jáne eldiń ınvestıtsııalyq klımatyn jaqsartýǵa eleýli úles qosty», - dedi Memleket basshysy.

Qasym-Jomart Toqaev keńestiń jańa múshelerin tanystyrdy.

«Bárinen buryn men sizderdi keńestiń jańa múshelerimen tanystyrǵym keledi. Bul Dúnıjeúzilik banktiń vıtse-prezıdenti A.Bassanı hanym, KPMG International-dan B. Tomas myrza, INPEX North Caspian Sea, Ltd.-den ıÝzo Sengoký myrza jáne Veon kompanııasynan K.Terzıoglý myrza. Sonymen birge keńeste baqylaýshy bolyp otyrǵan Santano myrzaǵa hosh keldińiz deımiz», - dedi Prezıdent.