Prezıdent Shavkat Mırzıeevti Ózbekstannyń Táýelsizdik kúnimen quttyqtady
ASTANA. KAZINFORM — Qasym-Jomart Toqaev Shavkat Mırzıeevti Ózbekstannyń Táýelsizdik kúnimen quttyqtady. Bul týraly Aqordanyń baspasóz qyzmeti habarlady.
Memleket basshysy Ózbekstan Táýelsizdigine 35 jyl tolýyna oraı Prezıdent Shavkat Mırzıeevke quttyqtaý jedelhatyn joldady.
Prezıdent ulttyń yntymaq-birligin, ornyqty damý men ilgerileý jolyndaǵy nyq qadamyn aıshyqtaıtyn bul mereke ózbek halqynyń mereıin asqaqtata túsetinin atap ótti.
– Qazaqstan halqy baýyrlas Ózbekstannyń jetistikterine rııasyz qýanady. Biz ǵasyrlardan tamyr tartatyn dostyqty, tatý kórshilik pen halyqtarymyzdyń arasyndaǵy ózara qoldaýdy joǵary baǵalaımyz. San qyrly yntymaqtastyǵymyz strategııalyq seriktestik pen odaqtastyq rýhyna saı buryn-sońdy bolmaǵan deńgeıde damyp keledi. Birlesken jumysty odan ári jandandyrý tabystarymyzdy eselep, elderimizdiń ıgiligi jolynda qazaq-ózbek qarym-qatynasyn jańa bıikke bastaıtynyna senimdimin, – dep jazylǵan jedelhatta.
Qasym-Jomart Toqaev Shavkat Mırzıeevtiń jaýapty memlekettik qyzmetine tabys, baýyrlas ózbek halqyna baq-bereke tiledi.
Aıta ketelik Qasym-Jomart Toqaev ShYU jıyndaryna qatysý úshin Bishkekke barǵan edi.
