Prezıdent ShYU sammıtine qatysý úshin Tıantszın qalasyna bardy
ASTANA. KAZINFORM — Prezıdent Qasym-Jomart Toqaev Shanhaı yntymaqtastyq uıymynyń sammıtine qatysý úshin Tıantszın qalasyna bardy, dep habarlaıdy Aqordanyń baspasóz qyzmeti.
Búgin «Inbıngýan» memlekettik rezıdentsııasynda Prezıdent Qasym-Jomart Toqaev pen Qytaı Halyq Respýblıkasynyń Tóraǵasy Sı Tszınpın kelissóz júrgizedi.
Memleketter basshylary qazaq-qytaı jan-jaqty ári máńgi strategııalyq seriktestigin nyǵaıtý perspektıvasyn talqylaıdy.
Buǵan deıin Memleket basshysy Qasym-Jomart Toqaev qazaqstandyqtardy Konstıtýtsııa kúnimen quttyqtady.
Sonymen qatar Qytaıdyń eń iri basylymy China Daily Qazaqstan Prezıdenti Qasym-Jomart Toqaevtyń «Qazaqstan men Qytaıdyń berik ári senimdi qarym-qatynasy – tabysty yntymaqtastyqtyń kepili» atty maqalasyn jarııalady. Kazinform osy materıaldyń beıresmı aýdarmasyn oqyrmandar nazaryna usynady.