Prezıdent shahmatshy Merýert Kamalıdenovany FIDE World Cup 2025 jarysyndaǵy jetistigimen quttyqtady

ASTANA. KAZINFORM - Prezıdent Grýzııanyń Batýmı qalasynda ótip jatqan Álem kýbogynyń irikteý saıysynda belgili shahmat sheberlerin qapy qaldyrǵan Merýert Kamalıdenovaǵa quttyqtaý jedelhatyn joldady, dep habarlaıdy Aqordanyń baspasóz qyzmeti.

– Memleket ózińiz sııaqty talapty jastarǵa árqashan qoldaý kórsetedi. Elimizde bul ıntellektýaldy oıyn túrin jappaı damytý úshin naqty sharalar qolǵa alyndy. Óskeleń urpaq ózderińizge qarap boı túzeıdi. Árbir jeńisterińiz olardy jigerlendiredi, – dep jazylǵan jedelhatta.

Memleket basshysy sportshyǵa aldaǵy fınaldyq saıystarda sáttilik tiledi.

Aıta keteıik, osyǵan deıin elordalyq shahmatshy álem kýbogynda sensatsııa jasaǵan bolatyn. 

Ol shahmattan áıelder arasynda Grýzııanyń Batýmı qalasynda ótken Álem kýbogynyń 1/32 fınalynda osy ýaqytqa deıin chempıon bolyp kelgen Aleksandra Gorıachkınany (reıtıngte 6-oryn) jeńip ketti.