Prezıdent shaǵyn jáne orta bıznes qarqyny azaıǵan óńirlerdi atady
«Aldyn ala boljanǵandaı, 2020 jyly iskerlik belsendiliktiń tómendeýinen keıin bıylǵy jartyjyldyqta shaǵyn jáne orta bıznes ósim kórsetip otyr. Jumys istep turǵan ShOB sýbektileriniń sany shamamen 3%-ǵa ósti. Biraq, jalpy respýblıkalyq ósimge qaramastan, birqatar óńirlerde olardyń sany azaıdy», - dep atap ótti Prezıdent Úkimettiń keńeıtilgen otyrysynda.
Memleket basshysynyń aıtýynsha, tómendeý Shymkent, Soltústik Qazaqstan jáne Túrkistan oblystarynda baıqalady.
«Ákimderge óz óńirlerinde shaǵyn jáne orta bıznesti qoldaý men damytýdy jeke baqylaýǵa alý mańyzdy. Pandemııa kezinde otandyq óndirýshilerdi qoldaý – daǵdarysqa qarsy basty sharalardyń biri bolyp otyr», - dedi Qasym-Jomart Toqaev.
Aıta keteıik, Memleket basshysy Qasym-Jomart Toqaevtyń tóraǵalyǵymen Úkimettiń keńeıtilgen otyrysy ótti. Prezıdent sóziniń tolyq mátinin myna siltemeden oqýǵa bolady.