Prezıdent shaǵyn bıznesti qoldaýdyń biryńǵaı baǵdarlamasyn jedel qabyldaýdy tapsyrdy

ASTANA. KAZINFORM — Qasym-Jomart Toqaev shaǵyn bıznesti qoldaýdyń biryńǵaı baǵdarlamasyn jedel qabyldaýdy tapsyrdy. Bul týraly Aqordanyń baspasóz qyzmeti habarlady. 

Qujatta óńirlerdiń ereksheligi men kásipkerlerdi naqty qoldaý tetikteri qarastyrylýǵa tıis.

— Jergilikti ónimge, bilim men zamanaýı tehnologııaǵa basymdyq berý aıtarlyqtaı nátıje ákeletinin tájirıbe kórsetti. Mysal retinde Japonııanyń halyqaralyq yntymaqtastyq agenttigi (JICA) jáne «Atameken» ulttyq palatasynyń qoldaýymen júzege asqan «Bir aýyl — bir ónim» jobasyn keltirýge bolady. Aýyl-aımaqtardan osyndaı aqylǵa qonymdy ótinishter men usynystar jıi túsedi, — dedi ol.

Memleket basshysy Úkimet ortaq jaýapkershilik qaǵıdatyna saı memleket pen bıznestiń tıimdi qarym-qatynas jasaýyna jan-jaqty yqpal etýi kerek ekenin aıtty.

— Máselen, qoı men iri qara terisin óńdeıtin kásiporyn ashý týraly bastamany aıtýǵa bolady. Nege ekenin qaıdam, qansha jyl ótse de osy sharýany Úkimet te, bıznes te qolǵa almaǵan. Áıtse de shaǵyn bıznes bul kásippen aınalysýǵa nıetti.

Úkimet ortaq jaýapkershilik qaǵıdatyna saı memleket pen bıznestiń tıimdi qarym-qatynas jasaýyna jan-jaqty yqpal etýi kerek. Bul aýyldar men shaǵyn qalalardyń damýyna tyń serpin beredi, — dedi Toqvaev.

Aıta ketelik Bıyl «Báıterek» holdıngi arqyly ShOB-ty qoldaý kólemi shamamen eki trln teńgege jetti.