Prezıdent Semeı ormanyn qalpyna keltirý jónindegi turǵyndar bastamasyn qoldady
ASTANA. KAZINFORM – Memleket basshysy Qasym-Jomart Toqaev Semeı qalasy tóńiregindegi órtengen qaraǵaıly ormandy qalpyna keltirý jónindegi jergilikti turǵyndardyń bastamasyn qoldady.
«Memleket basshysy Qasym-Jomart Toqaev Semeı qalasy tóńiregindegi órtengen qaraǵaıly ormandy qalpyna keltirý jónindegi jergilikti turǵyndardyń bastamasyn qoldady», - dep QR Prezıdentiniń keńesshisi — Prezıdenttiń Baspasóz hatshysy Berik Ýálı Facebook paraqshasyna jazdy.
Buǵan deıin habarlaǵanymyzdaı, Abaı oblysynda «Taza Qazaqstan» ekologııalyq aktsııasy, «Jasyl aımaq» tematıkalyq aptalyǵy aıasynda «Semeı ormany» memlekettik tabıǵı rezervaty aýmaǵynda keń masshtabty aktsııa uıymdastyrylyp, Borodýlıhınsk eldi mekeni mańyna kóshetter otyrǵyzylǵanyn jazǵan bolatynbyz.
Aktsııa sheńberinde Voskresenovka aýyly mańyndaǵy 5 gektar jerge 23 myń kóshet otyrǵyzyldy. Jalpy «Semeı ormany» memlekettik tabıǵı rezervaty aýmaǵyna «Taza Qazaqstan» ekologııalyq aktsııasy aıasynda 70 myń aǵash otyrǵyzylǵan.
