Prezıdent saılaýynyń qorytyndysy boıynsha birqatar astanalyqtarǵa Memleket basshysynyń atynan alǵys hattar tabystaldy
ASTANA. QazAqparat - Búgin Astana qalasynyń ákimi Ádilbek Jaqsybekov prezıdent saılaýynyń qorytyndysy boıynsha elektoraldy protsestiń belsendi qatysýshylaryna Memleket basshysynyń atynan alǵys hattar tabystady. Bul týraly elorda ákimdiginiń baspasóz qyzmetinen habarlady.
Marapattalǵandardyń ishinde - Qazaqstan Respýblıkasynyń Prezıdentine úmitker N. Á. Nazarbaevtyń qoǵamdyq shtabynyń Astana qalalyq fılıalynyń músheleri: shtab tóraǵasy, partııanyń qalalyq fılıaly tóraǵasynyń birinshi orynbasary, qalalyq máslıhat depýtaty S. Ahmetov, máslıhat depýtattary G. Danbaeva, V. Dosaev, T. Eginbaev, K. Jaýhanov, Z. Júsipova, A. Kım, K. Kulmyqanov, B. Solsanov, T. Orazaqov, A. Baıgenjın, M. Oralov, A. Kúrishbaev, S. Hamhoev, M. Shaıdarov, Z. Shıbkenov, Sh. Hahazov, «Nur Otan» partııasynyń AAF Saıası keńesiniń múshesi, Polshanyń eńbek sińirgen ártisi B. Ysqaqova, «Nur» aýmaqtyq fılıalynyń tóraǵasy, «Nur Otan» partııasynyń L. N. Gýmılev atyndaǵy EUÝ birinshi prorektory D. Nurmanbetova, «Qazaqstan Injınırıng UK» AQ apparat basshysy Á. Bergenev, QR IDM «Qazaeronavıgatsııa» RMK apparat basshysy K. Káken, Sh. Bólekbaeva bar.
Jınalǵan qaýymnyń aldynda sóz sóılegen ákim el taǵdyryndaǵy mańyzdy kezeńde qazaqstandyqtar Memleket basshysy Nursultan Nazarbaevty bir adamdaı qoldap, oǵan 97,75% daýys bergenin atap ótti.
«Bul - Memleket basshysynyń úlken bedeli men onyń táýelsiz Qazaqstannyń damýyna qosqan ólsheýsiz úlesin aıqyn kórsetetin tolyq jeńisi, Saılaýshylardyń naýqanǵa qatysýy 95,21% qurady, bul - Elbasymyzdy búkil halyqtyń qoldaıtynyn dáleldeıtin taǵy da bir jaıt», - dedi qala basshysy.
Qazaqstannyń dıplomatııalyq ókildikterindegi saılaý pýnkterin eskere kele, Astanadaǵy saılaý naýqanyna qatysý deńgeıi 98,54% qurady, bul qala boıynsha rekordty, al respýblıka boıynsha ekinshi kórsetkish. Ákimniń aıtýynsha, astanalyqtar osy arqyly Prezıdentke laıyqty qurmet kórsetti.
«Bul Astana qalasy turǵyndarynyń memleket yrǵaǵyn jaqsy sezine alatyndyǵyn, árbir qazaqstandyqtyń úkimettiń halyqtyń jaǵdaıyn jaqsartýǵa baǵyttalǵan barlyq sharalarymen qamtylǵandyǵyn kórsetedi. Sonymen qatar, bul «Nur Otan» partııasynyń jáne Elbasyn qoldaýshylardyń Memleket basshysynyń tapsyrmalaryn júzege asyrý jáne ony halyqqa nasıhattaý baǵytynda atqaryp jatqan úlken de qajyrly eńbekteriniń jemisi», - dedi ákim.
Saılaýaldy naýqanyn ótkizý kezinde Qazaqstan Prezıdentine úmitker N. Á. Nazarbaevtyń qoǵamdyq shtaby túrli formatta 1557 shara ótkizip, 426 myń adamdy qamtyǵan. Olardyń qatarynda eńbek ujymdaryndaǵy jınalystar jáne saılaýdyń mańyzdylyǵy men «Nurly jol» joldaýy aıasyndaǵy baǵdarlamalardy túsindirý sharalary, partııalyq jobalardy júzege asyrý sheńberindegi jastar fleshmobtary, Uly Otan soǵysyndaǵy Jeńistiń 70 jyldyǵyna arnalǵan qaıyrymdylyq aktsııalar jáne t.b. bar. Astana qalalyq partııa fılıalynyń qoǵamdyq shtaby úgit naýqany bastalǵaly 47 shara ótkizip, 32 myń adamdy qamtydy, al aımaqtyq júıeli keste aıasynda 229 shara uıymdastyrylyp, 200 myń adam qamtylǵan.
Elordada QR Prezıdentine úmitker N. Á. Nazarbaevtyń 672 senimdi ókili tirkelgen, olar óz kezeginde barlyq áleýmettik top ókilderimen keleli kezdesýler ótkizdi.
«Munyń barlyǵy qajetti jumystar jáne Nursultan Ábishulynyń saılaýdaǵy jeńisine súbeli úles qosqan sharalar. Shtab músheleriniń árqaısysy ortaq iske óz úlesin qosty. Sonymen birge, biz búgin saılaýaldy kompanııaǵa qomaqty úles qosyp, barlyq qıyn da qajyrly jumystarmen aınalysqan áriptesterimizdi atap ótpekpiz», - dedi Á. Jaqsybekov.
Ákim Memleket basshysynyń atynan jınalǵan qaýymǵa ólsheýsiz úlesi men eńbekteri úshin taǵy bir márte alǵys aıtyp, zor densaýlyq, ár isterine sáttilik tiledi.
