Prezıdent saılaýynyń aldyn ala qorytyndysy 27 sáýirde jarııalanady - QR OSK
ASTANA. QazAqparat - QR Prezıdenti saılaýynyń aldyn ala qorytyndysy 27 sáýirde jarııalanady. Bul týraly búgin QR Ortalyq saılaý komıssııasynyń múshesi Lázzat Súleımen málim etti.
«Daýys berý aıaqtalǵannan keıin ýchaskelik saılaý komıssııalary 12 saǵattyń ishinde daýystardy sanaýǵa mindetti», - dedi ol BAQ ókilderiniń saýalyna oraı.
L.Súleımenniń atap ótýinshe, osydan keıin qujattar aýmaqtyq saılaý komıssııalaryna jetkizilip, árbir saılaý komıssııasy deńgeıinde daýys berýdiń aldyn ala qorytyndysy boıynsha sáıkesinshe hattama jasalady.
«Bul qujattar Ortalyq saılaý komıssııasyna jetkizilgennen keıin biz birden aldyn ala qorytyndyny shyǵaramyz. 7 kúnniń ishinde biz saılaýdyń sońǵy qorytyndysyn shyǵarýǵa mindettimiz», - dedi komıssııa múshesi.
