Prezıdent saılaýynda 40 myń qazaqstandyq sol kúni tirkelip, daýys bergen

ASTANA. QazAqparat – 20 qarashada ótken kezekten tys QR Prezıdenti saılaýy kúni 40 myń otandasymyz turǵylyqty mekenjaıy boıynsha tirkelip, sol kúni daýys berý quqyǵyna ıe boldy. Bul týraly QR Ortalyq saılaý komıssııasy tóraǵasynyń orynbasary Konstantın Petrov málim etti, dep habarlaıdy QazAqparat tilshisi.

«Prezıdent saılaýyn uıymdastyrý men ótkizýde jergilikti atqarýshy organdardyń jumysy kórindi. Al aýmaqtyq komıssııalardyń saılaý barysyn baqylaýǵa qatysty jumysyn kórmedim. Meniń aıtqanymmen kelispeseńizder, onda máseleni jeke qarastyraıyq. Saılaý kúni bizde 2 aqparattyq servıs jumys istedi. Onyń birinshisi dástúrli ádis. ıAǵnı daýys berýshi turǵylyqty jeri boıynsha ózin tizimnen tekseredi. Osy jerde meniń oıym, bul qajet emes ádis. Sebebi Qazaqstannyń azamaty avtomatty túrde daýys berý quqyǵyna ıe bolýy tıis», - dedi Konstantın Petrov elordada ótken aýmaqtyq saılaý komıssııasy basshylaryna arnalǵan respýblıkalyq semınarda.

Sondaı-aq, OSK tóraǵasynyń orynbasary qansha adamnyń saılaýdan tys qala jazdaǵanyn aıtty.

«Saılaý kúni (20 qarasha) 40 myń azamat turǵylyqty jeri boıynsha rastap, daýys berýshiler qataryna qosyldy. Mysal keltirsem, Rıdder nemese Shahtınsk qalasynyń turǵyndary saılaýdan tys qalar edi degen sóz», - deıdi ol.

Buǵan deıin K. Petrov prezıdent saılaýyna qatysty qansha shaǵymnyń qaralǵany týraly málimdegen edi.

Odan bólek, Ortalyq saılaý komıssııasy prezıdent saılaýynda daýys berýshiler sanynyń artý sebebin túsindirdi.