Prezıdent saılaýynan keıin Úkimet otstavkaǵa ketýi mindetti emes - Toqaev

ASTANA. QazAqparat – Memleket basshysy Qasym-Jomart Toqaev prezıdent saılaýynan keıin Úkimettiń otstavkaǵa ketpeıtinin aıtty, dep habarlaıdy QazAqparat tilshisi.

«Saıası qaıta júkteý týraly aıtsaq, men bul týraly aıtqanmyn. Saıası reformalardy jalǵastyrý kerek. Olaı bolmaǵanda toqyraý bolady. Ekinshi jaǵynan, zań boıynsha, prezıdent saılaýynan keıin Úkimettiń otstavkaǵa ketýi mindetti emes. Bul Parlament saılaýynan keıin mindetti túrde iske asady. Parlament saılaýynyń merzimi týraly aıtsaq, jyl aıaǵynda men osy másele boıynsha arnaıy málimdeme jasaımyn. Sondyqtan Úkimet jumys isteýge qalady. Biraq Úkimettiń quramynda, ózge de vedomstvolardyń quramynda jekelegen ózgerister bolady», - dedi QasymJomart Toqaev.

Eske sala keteıik, búgin elimizdiń barlyq óńirlerinde jáne 53 sheteldik ókildikte prezıdent saılaýy ótip jatyr.