Prezıdent saılaýyna qatysýǵa nıet bildirgen 139 halyqaralyq baıqaýshy tirkeldi - QR SІM

ASTANA. QazAqparat – Búgingi tańda QR Prezıdenti saılaýyna qatysatyn 139 halyqaralyq baıqaýshy akkredıtteldi. Muny BAQ ókilderiniń qatysýymen ótken brıfıngte Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.

«Prezıdent saılaýyn 8 halyqaralyq uıym, shet memleketterdiń jáne Qazaqstanda akkredıttelgen dıplomatııalyq korpýstyń ókilderi baqylaıtyn bolady. Búgingi tańda 139 halyqaralyq baqylaýshy akkredıttelgen. Saılaýdy baqylaýǵa barlyǵy 600-den astam ókil qatysady dep kútilýde», - dedi vedomstvonyń resmı ókili.

Budan ózge, ol QR Prezıdenti saılaýynda álemniń 53 elindegi 12 myńnan astam qazaqstandyq daýys berýi yqtımal ekenin málim etti. Biraq bıylǵy saılaýda Ýkraınadaǵy saılaý ýchaskeleri jumys istemeıdi.

Aıbek Smadııarovtyń dereginshe, bul sheshim atalǵan eldegi jaǵdaıǵa balaılanysty qabyldanǵan. Sondyqtan saılaýǵa qatysýǵa nıetti qazaqstandyqtar Moldova nemese Polshaǵa baryp daýys bere alady.