Prezıdent saılaýyna qatysty qansha shaǵym tústi

ASTANA. QazAqparat – QR Ortalyq saılaý komıssııasynda 20 qarashada ótken kezekten tys QR Prezıdenti saılaýyna qatysty qandaı eskertý, shaǵymnyń bolǵany aıtyldy, dep habarlaıdy QazAqparat tilshisi.

«Prezıdent saılaýy boıynsha 8 óńirden 14 resmı shaǵym tústi. Daýys berý barysyna qatysty azdaǵan eskertý boldy. Ol boıynsha biz taldaý júrgizdik. Daýys berýshilerge 2 jáne odan da kóp bıýlleten berý jaǵdaıy, áli de ashyq kúıinde qalyp otyr. Baıqaýshylardyń suraýy boıynsha daýys berý protsesine qatysty málimetter hattamaǵa saı berildi. Biz eshnárseni jasyrmaımyz. Sondaı-aq, bıýlletendi jáshikke salý protsesine qatysty Túrkistan jáne Qaraǵandy oblysynda 2 faktiniń bolǵany aıtyldy. Degenmen anyqtaý barysynda faktiler rastaldy. Osy oraıda bizge abaı bolǵan jón, múmkin jańa ádiske kóshý kerek shyǵar», - dedi QR Ortalyq saılaý komıssııasy tóraǵasynyń orynbasary Konstantın Petrov elordada ótip jatqan aýmaqtyq saılaý komıssııasy basshylaryna arnalǵan respýblıkalyq semınarda.

Aıta ketsek, prezıdent saılaýy barysyn shet memleketterden 532 baıqaýshy qadaǵalady.

Eske salaıyq, Astanada Ortalyq saılaý komıssııasynyń uıymdastyrýymen aýmaqtyq saılaý komıssııasynyń basshylaryna arnalǵan respýblıkalyq semınar ótip jatyr. Barlyq óńirden 300-ge jýyq adam qatysyp jatqan shara úsh kúnge sozylady.