Prezıdent saılaýyna kandıdatýramdy usyný oıymda joq - Erlan Qoshanov

NUR-SULTAN. QazAqparat – QR Parlamenti Májilisiniń tóraǵasy Erlan Qoshanov óziniń aldaǵy prezıdent saılaýyna qatyspaıtynyn resmı túrde málimdedi, dep habarlaıdy QazAqparat tilshisi.

«Amanat» partııasy óz kandıdatyn usynady. Endi meniń qatyspaıtynym belgili ǵoı. Men qatyspaımyn eshbir saılaýǵa. Sizderge resmı túrde málimdeımin, bıylǵy saılaýǵa da, budan keıingi saıası naýqanǵa da qatyspaımyn. Biraq men sol saılaýǵa qatysatyn laıyqty tulǵany, laıyqty úmitkerdi qoldaımyn. Ony ózderińiz de sezip turǵan shyǵarsyzdar. Ol – Qasym-Jomart Toqaev. Sol kisiniń kandıdatýrasyn qoldaımyn», - dedi ol Májilistiń jalpy otyrsynan keıin BAQ ókilderine bergen suhbatynda.

Onyń oıynsha, qazirgi Prezıdent saılaýǵa «Amanat» partııasynyń atynan túse me nemese basqa uıymdardy tańdaı ma - ony ózi sheshedi.

«Kezinde biz, «Amanat» partııasy, «Biz Prezıdenttiń qoǵamdyq tiregimiz» dep jarııaladyq qoı. Mine, sondyqtan, biz árqashan Prezıdentti qoldaımyz», - dedi Májilis spıkeri.

Foto: akorda.kz