Prezıdent saılaýyn merziminen buryn ótkizý - halyqtyń ál-aýqatyn jaqsartýǵa septigin tıgizedi - E. Erǵojın

ALMATY. QazAqpart - Prezıdent saılaýyn merziminen buryn ótkizý - halyqtyń ál-aýqatyn jaqsartýǵa septigin tıgizedi. Bul týraly QazAqparat tilshisine bergen suhbatynda QR UǴA akademıgi, hımııa ǵylymdarynyń doktory, A. Bekturov atyndaǵy hımııa ǵylymdary Instıtýtynyń dırektory Edil Erǵojın málimdedi.

Onyń aıtýynsha, 2016 jyly Prezıdent saılaýyn Parlament saılaýymen birge ótkizýdiń esh qısyny kelmeıdi.

«Qazaqstan halqy Assambleıasynyń bastamasyn men tolyq qoldaımyn. Nege deseńiz, myna álemdik qarjylyq daǵdarys, dúnıe júzinde bolyp jatqan saıası qarama-qaıshylyqtar, Qazaqstanǵa da áser etedi. Sondyqtan, Prezıdent saılaýyn Parlament saılaýymen aralastyrmaı, bıyl-aq, merziminen buryn ótkizip alsaq, táýelsizdigimiz turaqty, halyqtyń ál-aýqaty joǵary bola túseri sózsiz. Sonymen qatar, jańa ınnovatsııalyq zertteýler óndiriske jetip, qosymsha jumys oryndary ashyla túsedi. Biz ǵalymdar Prezıdent saılaýyn merziminen buryn ótkizýdi qyzý qoldaımyz» - dedi E. Erǵoıjın.

Sondaı-aq ol bul daǵdarystyń aldaǵy jyly da áseri bolatyndyǵyn jetkizdi.

«Qazaqstan halqy buǵan deıin de talaı daǵdarysty bastan keshken. Biraq, bul álemdik daǵdarys erekshe bolyp tur. Munaı baǵasy tómendedi. Al Ýkraınadaǵy áskerı qaqtyǵystar da tolastamaı qoıdy. Sondyqtan, beldi bekem býyp, el birligin saqtaı otyryp, Prezıdent saılaýyn bıyl ótkizip alýymyz qajet dep oılaımyn. Óıtkeni kelesi jyly ol qarjy jaǵynan qymbatqa túsýi múmkin» - dep sózin aıaqtady E. Erǵojın.