Prezıdent saılaýy: J.Qalybaıǵa qol qoıý paraqtary beriledi

ASTANA. QazAqparat - Búgin QR Ortalyq saılaý komıssııasynyń otyrysy ótip, onda Jarylqap Qalybaıǵa Qazaqstan Respýblıkasynyń Prezıdenttigine kandıdattyǵyn qoldap qol jınaý úshin qol qoıý paraqtaryn berý týraly qaýly qabyldandy.

«Qazaqstan Respýblıkasynyń Prezıdenttigine úmitker Qalybaı Jarylqap Seıdláulynyń Qazaqstan Respýblıkasynyń Konstıtýtsııasynda jáne «Qazaqstan Respýblıkasyndaǵy Saılaý týraly» konstıtýtsııalyq zańynda qoıylatyn talaptarǵa sáıkestigin belgileý týraly qaýly jobasyn usynyp otyrmyn. Qaýly boıynsha, birinshiden, Qazaqstan Respýblıkasynyń Prezıdenttigine úmitker Qalybaı Jarylqap Seıdláuly Qazaqstan Respýblıkasy Konstıtýtsııasynyń jáne «Qazaqstan Respýblıkasyndaǵy Saılaý týraly» zańnyń talaptaryna sáıkes dep belgilensin. Ekinshiden, J.Qalybaıǵa Qazaqstan Respýblıkasynyń Prezıdenttigine kandıdattyǵyn qoldap qol jınaý úshin qol qoıý paraqtary berilsin», - dedi qaýly jobasyn tanystyrǵan QR OSK hatshysy Baqyt Meldeshev.

QR OSK músheleri bul usynysty biraýyzdan qoldady.