Prezıdent saılaýy: J.Qalybaı «Otty jyldar taǵylymy» taqyrybynda shyǵarma jazýǵa kiristi

ASTANA. QazAqparat - Búgin QR Prezıdenttigine kandıdattardyń memlekettik tildi erkin meńgergendigin anyqtaý jónindegi lıngvıstıkalyq komıssııa aldynda prezıdenttikke ózin-ózi usynǵan «Juldyzdar otbasy» jýrnalynyń redaktory Jarylqap Qalybaı synaq tapsyrýda.

«Búgin qazaq tilinen emtıhan tapsyrýǵa Ortalyq saılaý komıssııasyna Qalybaı Jarylqap Seıdláuly kelip otyr. 1959 jyly dúnıege kelgen. Bilimi - joǵary, jýrnalıst. Turǵylyqty jeri - Almaty qalasy. Ózin-ózi usynǵan. «Juldyzdar otbasy» jýrnalynyń redaktory, «Ańyz adam» jýrnalynyń bas redaktory», - dedi kandıdatty tanystyrǵan komıssııa tóraǵasy Myrzataı Joldasbekov.

Komıssııa tóraǵasy emtıhan tapsyrýshyǵa úsh kezeńmen ótetin synaqtyń erejesin ejeı-tegjeıli túsindirdi.

Osydan keıin J.Qalybaıǵa «Otty jyldar taǵylymy» taqyryby túsip, ol eki bettik shyǵarma jazýǵa kiristi.