Prezıdent saılaýy: úgit-nasıhat kezinde nege tyıym salynady

ASTANA. QazAqparat – QR Prezıdenti saılaýyna kandıdattar úgit-nasıhatty belgilengen talaptarǵa saı júrgizýi tıis, dep habarlaıdy QazAqparat tilshisi.

«Saılaý aldy úgit-nasıhat kezinde saılaýshylarǵa taýarlardy, qyzmetterdi, baǵaly qaǵazdardy tegin nemese jeńildikpen berýge tyıym salynady. Sonymen qatar, daýys berýshilerge aqsha tóleýge, lotereıa oınatyp, qaıyrymdylyq aktsııalaryn ótkizýge bolmaıdy», - dedi Ortalyq saılaý komıssııasynyń múshesi Anastasııa Şegortsova.

Onyń aıtýynsha, úgit-nasıhat kezinde kandıdat jáne onyń aldaǵy jospary týraly baspa materıaldaryn taratýǵa ruqsat.

Sondaı-aq, Ortalyq saılaý komıssııasynyń múshesi Sabıla Mustafına ár kandıdatqa úgit-nasıhat júrgizý úshin bıýdjetten teń dárejede qarjy bólinetinin aıtty.

«Kandıdattarǵa bólingen qarajattyń maqsatty jumsalýy baqylanady», - deıdi ol.

Aıta ketsek, búgin Prezıdent saılaýyna kandıdattardy usyný bastaldy. Protsess 11 qazanda saǵat 18:00-de aıaqtalady.

«23 qyrkúıek kúni saǵat 10:35-tegi jaǵdaı boıynsha Ortalyq saılaý komıssııasyna kandıdatty usyný ótinishi kelip túsken joq», - degen edi Ortalyq saılaý komıssııasynyń hatshysy Muhtar Erman.

Buǵan deıin prezıdenttikke kandıdattar tóleıtin 3 mln teńge jarna ıesine qandaı jaǵdaıda qaıtarylatyny týraly habarlaǵan edik.