Prezıdent saılaýy - parlamenttik respýblıkaǵa aınalýdyń joly - sarapshy

ALMATY. QazAqparat - Qazaqstanda júrgizilip jatqan reformalar el turǵyndarynyń ómirine oń áser etetin bolady. Mundaı pikirdi «Halyqaralyq áleýmettaný jáne saıasat ınstıtýty» qoǵamdyq qory dırektorynyń orynbasary, Almaty qalalyq Qoǵamdyq keńesiniń múshesi Marat Shıbutov bildirdi, dep habarlaıdy QazAqparat tilshisi.

Joldaýdy talqylaýǵa arnalǵan brıfıngte Marat Shıbutov kezekten tys Prezıdent saılaýyna qatysty óz oıyn aıtty.

«Birinshiden, saılaý ártúrli merzimde ótedi. Ártúrli kezekti jáne kezekten tys saılaý arasynda ýaqyt aralyǵy bar. Ekinshiden, Prezıdenttiń óz mandatyn, ıaǵnı azamattardyń senimin rastaýǵa degen umtylysy, al úshinshiden, Prezıdent prezıdenttiktiń bir merzimin ótkizýdi oılastyrýda. Bul Prezıdent laýazymynyń maǵynasyn túbegeıli ózgertedi jáne bul bizdi sýper-prezıdenttik respýblıkadan qarapaıym prezıdenttik-parlamenttik respýblıkaǵa, múmkin parlamenttik respýblıkaǵa aınaldyrýdyń joly», - dep túsindirdi Marat Shıbutov.

Eske salaıyq, 1 qyrkúıek kúni Memleket basshysy Qasym-Jomart Toqaev Parlament palatalarynyń birlesken otyrysynda halyqqa Joldaýyn jarııalady.