Prezıdent saılaýy: Meıram Qajyken Qostanaı jurtshylyǵymen kezdesti

QOSTANAI. QazAqparat – QR Prezıdenttigine kandıdat Meıram Qajyken Qostanaı qalasyna keldi. Ol oblystyq ólketaný murajaıynda, A.Baıtursynuly atyndaǵy óńirlik ýnıversıtette bolyp, óziniń saılaýaldy baǵdarlamasyn tanystyrdy, dep habarlaıdy QazAqparat tilshisi.

Kandıdat Qostanaı qalasyna saparyn uly aǵartýshy Ahmet Baıtursynulynyń eskertkishine gúl shoqtaryn qoıyp, tarıhı tulǵanyń rýhyna taǵzym etýden bastady.

Keıin Meıram Qajyken oblystyq ólketaný murajaıyna baryp, Tobyl óńiriniń qundy jádigerlerimen tanysty. Sonymen qatar, mýzeı qyzmetkerlerine óziniń saılaýaldy baǵdarlamasyn tanystyrdy. Artynsha kandıdat Ahmet Baıtursynuly atyndaǵy óńirlik ýnıversıtet stýdentterimen kezdesip, jastardy tolǵandyrǵan suraqtaryna jaýap berdi.

Qostanaı qalasynyń jurtyshylyǵymen ótken kezdesýlerden keıin Meıram Qajyken oblystyq shtabtyń jumysymen de tanysty. Qazirgi tańda qoǵamdyq keńeste 4 adam bar. Úgit-nasıhat jumystaryna eriktiler de tartylǵan.