Prezıdent saılaýy: QR OSK shet memleketter men halyqaralyq uıymdardyń 153 baıqaýshysyn akkredıttedi
«Ortalyq saılaý komıssııasynyń otyrysyna bir suraq engizilip otyr. Ol 2015 jylǵy 26 sáýirge belgilengen QR Prezıdentiniń kezekten tys saılaýyna shet memleketter men halyqaralyq uıymdardyń baıqaýshylaryn akkredıtteý týraly», - dep otyrysty ashqan QR OSK tóraǵasy Qýandyq Turǵanqulov qaýly jobasyn tanystyrý úshin sóz kezegin komıssııa múshesi Tatıana Ohlopkovaǵa berdi.
«Sizderdiń qaraýlaryńyzǵa 2015 jyldyń 26 sáýirine belgilengen kezekten tys prezıdenttik saılaýǵa shet memleketter men halyqaralyq uıymdardyń baıqaýshylaryn akreddıtteý týraly másele usynylyp otyr. QR Ortalyq saılaý komıssııasy Syrtqy ister mınıstrliginiń usynysymen 2015 jyldyń 26 sáýirine belgilengen kezekten tys prezıdenttik saılaýǵa TMD baıqaýshylary mıssııasynan 144 adamdy, ShYU mıssııasynan 5 adamdy jáne shet memleketterden 4 adamdy akkredıttesin. Barlyǵy barlyǵy 153 baıqaýshy. Shet memleketter men halyqaralyq uıymdardyń baıqaýshylaryna sáıkesinshe kýálik berilsin», - dedi qaýly jobasyn tanystyrǵan T.Ohlopkova.
QR Ortalyq saılaý komıssııalary qaýly jobasyn biraýyzdan maquldap, 153 sheteldik baıqaýshyny akkredıttedi.
