Prezıdent saılaýy: Kandıdattardyń saılaýaldy úgit-nasıhaty bastaldy
Saılaý aldyndaǵy úgit-nasıhat 2022 jylǵy 21 qazanda jergilikti ýaqyt boıynsha saǵat 18:00-de – kandıdattardy tirkeý merzimi aıaqtalǵan sátten bastalady jáne saılaýdan bir kún buryn ıaǵnı 2022 jylǵy 19 qarashada saǵat 0:00-de aıaqtalady.
«Saılaýaldy úgit-nasıhat úsh tásilmen júrgiziledi: BAQ arqyly, saılaý aldyndaǵy jarııa is-sharalardy ótkizý arqyly, baspa, aýdıovızýaldy jáne ózge de úgit materıaldaryn shyǵarý men taratý arqyly», - dedi QR OSK múshesi Anastasııa Şegortsova QR Ortalyq saılaý komıssııasynyń otyrysynda.
Materıaldardy taratý úshin buqaralyq aqparat quraldary 16 qazanǵa deıin efır men baspany usynýdyń tólem mólsheri, sharttary men tártibi týraly málimetterdi jarııalap, Ortalyq saılaý komıssııasyna usynýǵa tıis boldy. Qazirgi ýaqytta Ortalyq saılaý komıssııasyna BAQ-tan 320 aqparattyq habarlama kelip tústi. Jańalyqtar men analıtıkalyq baǵdarlamalardy qospaǵanda kandıdattardyń maqsattary men mindetterin nasıhattaıtyn barlyq aqparat kandıdattardyń saılaý qorynan tólenýi tıis.
19 qarashada respýblıka boıynsha tynyshtyq kúni bastalady.
QR Prezıdenttigine kandıdattardy tirkeý 21 qazanda jergilikti ýaqyt boıynsha saǵat 18:00-de aıaqtaldy.
Ortalyq saılaý komıssııasynyń kúntizbelik josparyna sáıkes, Prezıdenttikke kandıdattardy usyný 23 qyrkúıek pen 11 qazan aralyǵynda ótti.
Aıta keteıik, búgin saǵat 18.00-de prezıdenttikke úmitkerlerdi tirkeý aıaqtaldy.
Sondaı-aq, búgin QR Ortalyq saılaý komıssııasynyń otyrysynda Prezıdenttikke usynylǵan Baqyt Jańabaevtyń, Nurjan Áltaevtyń jáne Jumataı Álıevtiń kandtıdatýrasyn tirkeýden bas tartty.
