Prezıdent saılaýy halyqaralyq standarttarǵa saı ótip jatyr - Rýmyn baıqaýshysy

ALMATY. QazAqparat - Almatyda Prezıdent saılaýy protsesi halyqaralyq normalarǵa saı ótip jatyr. Almatyda Prezıdent saılaýyna baılanysty ótken baspasóz máslıhatynda Rýmyn baıqaýshylary Trıf Raresh pen ıÝrkan Jonash Florısh osyndaı pikir bildirdi, dep habarlaıdy QazAqparat tilshisi.

ıÝrkan Jonashtyń aıtýynsha, Almatyda Prezıdent saılaýy ashyq ári obektıvti ótip jatyr.

Rýmyn baıqaýshylary kúni boıy 10 saılaý ýchaskesindegi daýys berý protsesin baqylap kórdi.

«Maǵan Qazaqstandaǵy saılaý protsesin baqylaý óte qyzyq boldy. Basty baıqaǵanym, saılaýǵa jastarń kóp keldi. Bul - jas býyn ókilderiniń el bolashaǵyna nemquraıdy qaramaıtynyn bildirse kerek», - dedi ıÝrkan Jonash Florısh.

Onyń aıtýynsha, saılaýshylardyń daýys berýge kelý kórsetkishi óte joǵary bolǵan.

«Túske deıin tirkelgen saılaýshylardyń 10-20 protsenti daýys berýge keldi. Bul óte joǵary kórsetkish», - dedi ol.

Al Adam quqyqtaryn qorǵaý uıymynyń keńesshisi Raresh Trıf ta daýys berý ýchaskelerinde eshqandaı zańbuzýshylyqty baıqamaǵanyn jetkizdi.

«Biz Qazaqstandaǵy Prezıdent saılaýyn baqylaýǵa keldik.Tańnan beri 3 saılaý ýchaskesinde boldym. Ázirge bári durys. Eshqandaı zańbuzýshylyq baıqamadyq. Tirkelgen 2400 saılaýshynyń túski 12-ge taman 20 paıyzy daýys berýge keldi. Sondaı-aq, múmkindigi joq adamdarǵa daýys berýge mobıldi ýrnalar uıymdastyrylǵan. Tek bir ǵana jaǵdaıdy baıqadyq. Saılaýshy áıel ózin tizimnen tappady. Ondaı jaǵdaı jıi bolyp turady. Saılaýshylardyń arasynda jas stýdentterdiń kezekke turǵanyn baıqadyq. Bul - azamattyq qoǵamdaǵy demokratııanyń saltanat qurǵanyn kórsetedi»,- dedi Raresh Trıf.

Jalpy Prezıdent saılaýyn baqylaýǵa Almatyǵa 80 halyqaralyq baıqaýshy keldi.

Eske sala ketsek, búgin Qazaqstan Prezıdentiniń kezekten tys saılaýy bastaldy. Qazaqstannyń 48 saılaý ýchaskesinde daýys berý júrgizilip jatyr. QR Prezıdentiniń kezekten tys saılaýynda el ishinde jáne shetelderde 9 968 daýys berý ýchaskesi jumys isteıdi.

Almatyda 563 saılaý ýchaskesi jumysyn bastady. Qala boıynsha búginde 1 mıllıon 130 myń 792 saılaýshy tirkelgen. Ýchaskeler turaqty jáne tasymaldanatyn saılaý jáshikterimen, qajetti aqparattyq materıaldarmen qamtamasyz etilgen. Múmkindigi shekteýli azamattardyń da daýys berýi úshin barlyq múmkinshilikter qarastyrylǵan.

Munyń aldynda Polsha baıqaýshysynyń pikirin jazǵan bolatynbyz.