Prezıdent saılaýy: Elorda turǵyndary daýys berip jatyr
ANA. 3 sáýir. QazAqparat /Gúlmıra Álıakparova/ - Búgin tańerteńgi saǵat 07.00 -de Astanada QR Prezıdentin kezekten tys saılaýdyń saılaý ýchaskeleri resmı túrde ashyldy.
Saılaý komıssııasynyń músheleri saılaý bıýlletenderi men saılaýshylardyń tizimderi ornalasqan seıfti ashqannan keıin statsıonarlyq (1 dana) jáne tasymaldanbaly (2 dana) jáshikterinde bıýlletender joqtyǵyna kóz jetkizip, plombalaý jáne mór basý protsedýralaryn jasady. Býdan keıin tasymaldanbaly saılaý jáshikteri densaýlyǵyna baılanysty saılaý ýchaskesine kele almaıtyn saılaýshylardyń úılerin aralaýǵa jiberildi.
Nómiri 58-shi saılaý ýchaskesinde 2 myń 567 saılaýshy tirkelgen. Komıssııa tóraıymy Mına Romanenko, saılaýshylar ózge aýmaqtardan da kelýi múmkindigin joqqa shyǵarmady. Saılaýshylardyń tizimi men bıýlletender sanalǵannan keıin, saılaý ýchaskesin resmı ashý protsedýralary barlyq talaptarǵa saı ótkendigi týraly hattama toltyryldy.
Saǵat 7.00-de daýys berýshilerdiń alǵashqy legi kelgen ýaqytta Qazaqstannyń ánurany oryndalyp, saılaý ýchaskesi resmı túrde ashyldy.
Tań bozara 8 jasar Fılııany kolynan jetektep kelgen Kovba otbasy da saılaýda alǵash daýys bergen otbasylardyń biri boldy. Aqsaqal Petr Nıkolaevıch úlgi kórsetip ózimen birge qyzy Lıýbany, alǵashqy ret daýys bergen nemereleri Damır men Lıanany, kelini Gúlnárdi ertip keldi. Qala turǵyny Qanat Sábıev te, "el Prezıdentin saılaýǵa júregi elim dep, jerim dep soqqan, bolashaǵyna beı-jaı qaramaıtyn árbir qazaqstandyq jaýapty bolýy tıistigin" aıtty.
