Prezıdent saılaýy barlyq normalarǵa jaýap beredi - R. Gýdman
ASTANA. QazAqparat - Qazaqstandaǵy kezekten tys Prezıdent saılaýy barlyq normalarǵa jaýap beredi, barsha talaptarǵa saı ótip jatyr. Búgin elimizde ótip jatqan kezekten tys Prezıdent saılaýyna oraı ótken baspasóz máslıhatynda Qazaqstan-Ulybrıtanııa qoǵamynyń tóraǵasy Rýpert Gýdman osylaı málim etti.
«Men úshin Qazaqstanda bolý zor qurmet. Búgin birqatar saılaý ýchaskelerin araladym. Daýys bergen saılaýshylarmen sóılesip, saılaý ýchaskeleri men daýys berý oryndaryndaǵy jaǵdaıdy baqyladyq. Jalpy, Eýropalyq odaq elderindegi kóptegen saılaýdyń barysyn baqylaǵan adam retinde aıtarym, Qazaqstandaǵy saılaý barysy barlyq normalarǵa jaýap beredi. Tipti, munda azamattar úshin saılaý naǵyz merekege aınalǵan. Kóptegen saılaý ýchaskelerinde otbasymen daýys berip jatqandar boldy», - dedi R.Gýdman.
Onyń aıtýynsha, Qazaqstan Táýelsizdik jyldarynan beri damý úderisin joǵary deńgeıde atqaryp jatyr.
