Prezıdent saılaýy: Á.Qusaıynov memlekettik tildi erkin meńgergen
«Birinshi suraǵyna «El men jer taǵdyry» degen taqyryp keldi. Taqyrypty ashqan, 6 qate jibergen. 1-eýi emle, 3-eýi tynys belgisi, stıldik qatesi 2-eý. Jalpy, osy kúnge deıin lıngvıstıkalyq komıssııa 8-den joǵary qate jiberse jáne jaýaby nashar bolsa, onda ol kandıdat memlekettik tildi erkin meńgermegen degen qorytyndy shyǵaryp júr. Al bul kisiniń jaýaby jaqsy», - dedi Á.Qusaıynovtyń synaq nátıjesin jarııa etken QR Prezıdenttigine úmitkerlerdiń memlekettik tildi erkin meńgergendigin anyqtaý jónindegi lıngvıstıkalyq komıssııanyń tóraǵasy Myrzataı Joldasbekov.
Onyń atap ótýinshe, ekinshi taqyrypta Á.Qusaıynov M.Áýezovtiń prozasynan úzindini mánerlep, jaqsy oqyǵan.
«Úshinshi taqyryp - «Yrys aldy - yntymaq». Óte ádemi áńgime boldy. Komıssııa músheleri rızashylyq tanytty. Shynyn aıtýymyz kerek, qazirgi prezıdentimiz Nursultan Ábishuly Nazarbaevtan keıingi kóńilimizden shyqqan jaqsy jaýap boldy.Saılaýǵa osyndaı qaıratkerler túsýi kerek. Keshe mınıstr bolǵan, elimizde úlken oblysty basqarǵan azamat, qazir Qazaqstannyń kásipodaqtar federatsııasyn basqarady. Bizdiń lıngvıstıkalyq komıssııasynyń sheshimi -Ábilǵazy Qalıaqparuly Qusaıynov qazaq tilin erkin meńgergen. Biz sizge tabys tileımiz. Qazaqstanǵa osynsha jaqsylyq jasap, memleket qurǵan N.Nazarbaevpen talasý ońaı emes, tyrysyp baǵý kerek», - degen M.Joldasbekov úmitkerge sáttilik tiledi.
