Prezıdent saılaý týraly: Saıası básekeni arttyrýǵa oń yqpal etti

NUR-SULTAN. QazAqparat – Ótken saılaý saıası básekeni arttyrýǵa oń yqpal etti. Bul týraly búgin jetinshi shaqyrylǵan QR Parlamentiniń birinshi sessııasynda Prezıdent Qasym-Jomart Toqaev málim etti, dep habarlaıdy QazAqparat tilshisi.

«Qazaqstandaǵy reformalardyń basty baǵytynyń biri – saıası jańǵyrý. Osy jańǵyrýdyń negizgi qaǵıdaty – barlyq ózgeristerdi jalpyulttyq dıalog pen mámlege súıenip, evolıýtsııalyq jolmen jasaý»

Prezıdent byltyrǵy saıası reformalardyń birinshi bóligi partııalarǵa jańa múmkindikter bergenin atap ótti.

«Ótken saılaý saıası básekeni arttyrýǵa oń yqpal etti. Májilis pen máslıhattarǵa bilikti, abyroıly adamdar keldi. Buǵan partııalyq tizimde áıelder men jastar úshin 30 paıyzdyq kvota belgileý arqyly qol jetkizdik. Máslıhat saılaýyna proportsıonaldy júıeni engizý partııalardyń óńirlerdegi belsendiligin arttyrdy, sondaı-aq azamattardy jergilikti jerdegi saıası úderiske barynsha tartýǵa jaǵdaı jasady. Parlamenttik oppozıtsııa ınstıtýty shaǵyn saıası kúshterdiń rólin aıtarlyqtaı kúsheıtedi. Osylaısha, elimizdegi kóppartııalyqty damytýǵa jáne parlamentarızmdi nyǵaıtýǵa edáýir serpin berdik», - dedi Q. Toqaev.