Prezıdent Saýd Arabııasy Koroldiginiń Islam isteri, ýaǵyz jáne nasıhat jónindegi mınıstrimen kezdesti

NUR-SULTAN. QazAqparat – Prezıdent Saýd Arabııasy Koroldiginiń Islam isteri, ýaǵyz jáne nasıhat jónindegi mınıstrimen sheıh Abdýllatıf ben Abdýlazız Abdrahman Ál ash-Sheıhpen kezdesti, dep habarlaıdy QazAqparat Aqordaǵa silteme jasap.

Memleket basshysy Islam álemine qasıetti bolǵan Mekke men Medıneniń ornalasqan mekeni – Saýd Arabııasy ókilderiniń búgingi Álemdik jáne dástúrli dinder kóshbasshylarynyń basqosýyna qatysýy óte mańyzdy ekenin atap ótti.

Prezıdent Qos Kıeniń Saqshysy, Korol Salmannyń Arnaıy ókili retinde saýd delegatsııasyn bastap kelgeni úshin mınıstrge rızashylyǵyn bildirdi.

Saýd Arabııasy Koroldiginiń Islam isteri, ýaǵyz jáne nasıhat jónindegi mınıstri Álemdik jáne dástúrli dinder kóshbasshylarynyń basqosýy bedeldi jahandyq dıalog alańyna aınalǵanyn atap ótti.

Kezdesý barysynda Qazaqstan men Saýd Arabııasy arasyndaǵy gýmanıtarlyq yntymaqtastyqty odan ári nyǵaıtý perspektıvalary talqylandy.

Foto: akorda.kz