Prezıdent Saýd Arabııasynyń Taq murageri Muhammed ben Salman ben Ábdelazız Ál Saýdpen kezdesti

ASTANA. KAZINFORM — Prezıdent Rııad qalasynda One Water sammıtin uıymdastyrýǵa qoldaý kórsetkeni úshin Qos kıeniń saqshysy, Saýd Arabııasynyń Koroli Salman ben Ábdelazız Ál Saýdqa jáne Saýd Arabııasynyń Taq murageri, Premer-mınıstri Muhammed ben Salman ben Ábdelazız Ál Saýdqa alǵys aıtty. Memleket basshysy Qazaqstan men Frantsııanyń tóraǵalyǵymen ótip jatqan sammıt álemdegi ekologııalyq kún tártibin ilgeriletýge eleýli úles qosatynyna senim bildirdi. Bul týraly Aqordanyń baspasóz qyzmeti málimdedi. 

Qasym-Jomart Toqaev bıyl Qazaqstan men Saýd Arabııasynyń arasynda dıplomatııalyq qarym-qatynas ornaǵanyna 30 jyl tolǵanyn atap ótti. Prezıdenttiń aıtýynsha, osy kezeńde eki el arasynda senimdi saıası dıalog jolǵa qoıylyp, berik quqyqtyq baza qalyptasty. Sondaı-aq birqatar ınvestıtsııalyq jobalar júzege asty.

Kezdesý barysynda energetıka, munaı-gaz ónerkásibi, kólik-logıstıka salalaryndaǵy saýda-ekonomıkalyq jáne ınvestıtsııalyq yntymaqtastyq máseleleri qarastyryldy.

Taq murageri Muhammed ben Salman ben Ábdelazız Ál Saýd Qazaqstandy Saýd Arabııasynyń Ortalyq Azııadaǵy mańyzdy seriktesi dep atady. Premer-mınıstrdiń pikirinshe, eki eldiń saýda-ekonomıkalyq jáne ınvestıtsııalyq baılanystaryn qarqyndy túrde damytýǵa mol múmkindik bar.

Áńgimelesý barysynda óńirlik jáne halyqaralyq kún tártibindegi ózekti taqyryptar talqylandy.

Eske sala keteıik, Memleket basshysy Qasym-Jomart Toqaev One Water sammıtine qatysý úshin Saýd Arabııasyna jumys saparymen bardy. 

Qasym-Jomart Toqaev One Water sammıti aıasynda Dúnıejúzilik bank tobynyń prezıdenti Adjaı Bangamen kezdesti.

Memleket basshysy ortaq sýretke túsý rásimine qatysty.

Prezıdent Saýd Arabııasynyń astanasynda ótip jatqan One Water sammıtiniń ashylý saltanatynda sóz sóıledi.