Prezıdent Saýd Arabııasynyń Koroli men Taq muragerine quttyqtaý jedelhattaryn joldady

ASTANA. KAZINFORM – Qasym-Jomart Toqaev Qos kıeniń saqshysy, Saýd Arabııasynyń Koroli Salman ben Ábdelazız Ál Saýd pen Taq murageri, Premer-mınıstr Muhammed ben Salman Ál Saýdty Koroldiktiń negizi qalanǵan kúnmen quttyqtady.

Prezıdent Saýd Arabııasyn elimizdiń ıslam álemi men Taıaý Shyǵys óńirindegi basty seriktesteriniń biri retinde atap ótip, dástúrli dostyq jáne ózara qoldaý rýhyndaǵy san qyrly yntymaqtastyq halyqtarymyzdyń ıgiligi jolynda qarqyndy damı beretinine senim bildirdi.

Qasym-Jomart Toqaev Saýd Arabııasynyń Koroli men Taq murageriniń qyzmetterine tolaǵaı tabystar, al saýd halqyna baıandy órkendeý, qut-bereke tiledi.

Aıta keteıik, keshe Prezıdentke Ramazan aıynyń bastalýyna oraı quttyqtaý jedelhattary kelip tústi.