Prezıdent Saýd Arabııasy Koroldiginiń ulttyq meıramyna oraı quttyqtaý jedelhattaryn joldady

ASTANA. KAZINFORM – Qasym-Jomart Toqaev qazaqstandyqtardyń jáne óziniń atynan Qos kıeniń saqshysy, Saýd Arabııasynyń Koroli Salman ben Ábdelazız Ál Saýd pen Saýd Arabııasynyń Taq murageri, Premer-mınıstri Muhammed ben Salman Ál Saýdty jáne barsha saýd halqyn osy eldiń Ulttyq kúnimen quttyqtady. 

- Prezıdent Saýd Arabııasy elimizdiń arab álemi men Taıaý Shyǵys óńirindegi senimdi ári basty seriktesteriniń birine aınalǵanyna toqtaldy, - dep jazdy Aqordanyń resmı saıty. 

Qasym-Jomart Toqaev Saýd Arabııasynyń Koroli men Saýd Arabııasy Taq murageriniń jaýapty qyzmetterine tolaǵaı tabys, saýd halqyna qut-bereke tiledi. 

Aıta keteıik, Memleket basshysy Chernogorııa Prezıdentimen kezdesti.