Prezıdent Saýd Arabııasy Koroldigin ulttyq meıramymen quttyqtady

ASTANA. KAZINFORM — Memleket basshysy Saýd Arabııasy Koroldiginiń ulttyq meıramyna oraı quttyqtaý jedelhatyn joldady.

Qasym-Jomart Toqaev Qos kıeniń saqshysy, Saýd Arabııasynyń Koroli Salman ben Ábdelazız Ál Saýd pen Saýd Arabııasynyń Taq murageri, Premer-mınıstri Muhammed ben Salman Ál Saýdty jáne barsha saýd halqyn Ulttyq kúnimen quttyqtady.

Prezıdent jedelhatta Saýd Arabııasyn saıası turǵydan irgesi berik, ekonomıkasyn nyǵaıtýda kóptegen jetistikke qol jetkizgen memleket retinde atap ótti. Sondaı-aq Taıaý Shyǵys óńirindegi Qazaqstannyń senimdi ári mańyzdy seriktesteriniń biri ekenine nazar aýdardy.

Memleket basshysy eki el arasyndaǵy dástúrli dostyq pen baýyrlastyqqa negizdelgen yntymaqtastyq odan ári nyǵaıyp, halyqtardyń ıgiligi jolynda damı beretinine senim bildirdi.

Qasym-Jomart Toqaev Qos kıeniń saqshysy, Saýd Arabııasynyń Koroli men Taq murageri, Premer-mınıstriniń jaýapty qyzmetterine tabys, al saýd halqyna qut-bereke tiledi.