Prezıdent Sany Group kompanııasy dırektorlar keńesiniń tóraǵasyn qabyldady

ASTANA. KAZINFORM – Áńgimelesý barysynda «jasyl» energetıka, mashına jasaý salalarynda birlesken jobalardy iske asyrý, sondaı-aq ǵylymı-zertteý jumystary jáne ınnovatsııalyq tehnologııalar boıynsha seriktestik ornatý máseleleri talqylandy.

Qasym-Jomart Toqaev Sany Group korporatsııasynyń Qazaqstan naryǵyndaǵy qyzmetin jandandyrýǵa umtylysyn joǵary baǵalady. Korporatsııa elimizde arnaıy tehnıkalardyń ozyq óndirisin jolǵa qoıýǵa nıetti. 

Prezıdent búgin Jambyl oblysynda jel generatorlaryna arnalǵan qosalqy bólshekter shyǵaratyn zaýyttyń iske qosylýyn yntymaqtastyqty odan ári tereńdetý jolyndaǵy mańyzdy qadam dep atady. 

Sıan Venbo qytaılyq korporatsııanyń Qazaqstandaǵy jumys josparyn tanystyrdy. Atap aıtqanda, Sany Group kompanııasy qýattylyǵy 1 GVt bolatyn jel elektr stansasyn salyp jatyr.

Aıta keteıik, buǵan deıin Qasym-Jomart Toqaev Huawei Technologies Co. LTD dırektorlar keńesi tóraǵasyn qabyldady.