Prezıdent «Samuryq-Qazyna» qory aýqymynda ulttyq geologııalyq kompanııa qurýdy tapsyrdy

«Mıneraldyq shıkizattyq bazany keńeıtý úshin geologııa salasyn tolyqqandy jańǵyrtý kerek. Biz áli kúnge bir kezderi aǵa urpaqtyń kómegimen ashylǵan jer qoınaýynyń paıdaly qazbalaryn ıgerip kelemiz. Qazaqstannyń jeri, onyń qoınaýyndaǵy baılyq jete zerttelmegen. Bizde jumys istep jatqannyń bári usaq-túıek ári ıgerilýi tıis salanyń on paıyzyna da jetpeıdi. Sondyqtan da bıýdjettik qarjylandyrýdy eseptep, bul saladaǵy jekemenshik pen áriptestikti damytý qajet. Bul rette ulttyq geologııalyq kompanııa qurylýy shart, ol - «Samuryq-Qazyna» Ulttyq qory aýqymynda jumys isteıtin bolsyn», - dedi N.Nazarbaev.

Prezıdenttiń aıtýynsha, jer qoınaýyn paıdalanýdan memleketke túsetin qarajattyń belgili bir bóligi geologııayq salanyń qajettiligin tolyqtyrýy qajet.