Prezıdent: salyq reformasy aıasynda batyl sharalardy dál qazir qabyldaý kerek

BÝRABAI. KAZINFORM – Bılik bızneske qoldaý kórsetip keldi, kórsete de beredi. Bul týraly Býrabaıda ótip jatqan Ulttyq quryltaıdyń IV otyrysynda Memleket basshysy Qasym-Jomart Toqaev málim etti.

- Ádil ári tıimdi salyq júıesin qurý elimizdiń bolashaǵyna, keıingi urpaqtyń turmysyna tikeleı áser etetinin uǵynǵan jón. Bılik bızneske qoldaý kórsetip keldi, kórsete de beredi. Buǵan kúmán bolmaýǵa tıis. Biraq bıznestiń ózi zańdy jáne zańsyz bolady. Biz zańdy saqtaý, tártipke baǵyný kerek dep jatamyz. Endeshe Úkimettiń jáne jalpy bıliktiń qoldaý sharalarynyń ıgiligin, birinshi kezekte, adal ári jaýapty, eń bastysy, zań aıasynda jumys isteıtin kásipkerler kórýge tıis, - dedi Qasym-Jomart Toqaev.

Prezıdent salyq reformasy aıasynda batyl sharalardy dál qazir qabyldaý kerek ekenin atap ótti.

- Áıtpese, budan da zor qıyndyqqa tap bolamyz, - dedi Memleket basshysy.

Prezıdent qoǵamda qyzý talqylanyp jatqan salyq reformasyna qatysty pikirin aıtty.