Prezıdent Saǵyntaevqa: Bári jaqsy, biraq ózińe degen synı kózqaras joq
ASTANA. QazAqparat - Úkimettiń keńeıtilgen otyrysynda Memleket basshysy Nursultan Nazarbaev Premer-Mınıstr Baqytjan Saǵyntaev eskertý jasady, dep xabarlaıdy QazAqparat tilshisi.
Úkimet basshysy Baqytjan Saǵyntaev osy ýaqytqa deıin atqarylǵan sharalar boıynsha esep berip, árbir memlekettik baǵdarlamanyń nátıjesin jarııalady. Sonyń ishinde «Nurly jol», «Nurly jer», Nátıjeli jumyspen qamtý jáne jappaı kásipkerlek baǵdarlamasy jáne taǵy basqa bastamalar bar. Premer-Mınıstr baıandamany jasap bolǵannan keıin Prezıdent: «Sońǵy Joldaýdy oryndaý boıynsha ne istedińder?», - dep surady.
Suraqqa jaýap bergen Úkimet basshysy Joldaýdyń jalpyulttyq baǵdarlamasy qabyldanǵandyǵyn aıtty.
«Sondaı-aq, sala-sala kórsetilgen on tapsyrma boıynsha jobalyq keńse arqyly árbir mınıstrlikke tıisti mindetter júkteldi. Indıkatorlar qoıyldy. Jyldyń sońyna deıin tapsyrmalardyń barlyǵy oryndalatyn bolady», - dep atap kórsetti B.Saǵyntaev.
Prezıdent atqarylǵan sharalarǵa oń baǵa berdi. Alaıda bir eskertý jasady. «Jaqsy baıandadyń, biraq ózińe degen synı kózqaras joq», - dedi N.Nazarbaev.
