Prezıdent Sadyr Japarovty Jogorký Kenesh saılaýynyń tabysty ótýimen quttyqtady

ASTANA. KAZINFORM – Prezıdent Qasym-Jomart Toqaev Sadyr Japarovty Qyrǵyz Respýblıkasy Jogorký Keneshi saılaýynyń tabysty ótýimen quttyqtady, dep habarlaıdy Aqorda.

Memleket basshysy bul aıtýly saıası oqıǵanyń nátıjesi Qyrǵyzstandy odan ári damytý jolyndaǵy strategııalyq mindetti oryndaýdyń batyl qadamy sanalatynyn atap ótti. 

– Parlament saılaýy Sizdiń qýatty ári órkendegen el qurý baǵdaryńyz halyqtyń jappaı qoldaýyna ıe bolǵanyn kórsetti. Strategııalyq seriktestik pen odaqtastyq sıpatyndaǵy qazaq-qyrǵyz qatynastary qarqyndy damyp keledi. Ǵasyrlardan tamyr tartatyn dostyǵymyzǵa, tatý kórshilik baılanysqa jáne ózara qoldaýǵa arqa súıeı otyryp, jetistikterimizdi eseleı túsetinimizge ári Qazaqstan men Qyrǵyzstan arasyndaǵy yntymaqtastyqty jańa deńgeıge shyǵaratynymyzǵa senimdimin, – dep jazdy Prezıdent.

Qasym-Jomart Toqaev Sadyr Japarovtyń baýyrlas qyrǵyz halqynyń ıgiligi jolyndaǵy jaýapty memlekettik qyzmetine tolaıym tabys tiledi.

Aıta keteıik, jas shahmatshylarǵa Aqordada ekskýrsııa uıymdastyryldy.