Prezıdent Sadyr Japarov Kamchybek Tashıevtiń otstavkaǵa ketýine qatysty túsinik berdi

ASTANA. KAZINFORM – Qyrǵyzstan prezıdentiSadyr Japarov Kamchybek Tashıevtiń Mınıstrler kabıneti tóraǵasynyń orynbasary – Ulttyq qaýipsizdik memlekettik komıtetiniń tóraǵasy qyzmetinen ketýine qatysty túsinik berdi, dep habarlaıdy Kabar aqparat agenttigi. 

- Men bul sheshimdi eń aldymen memleketimizdiń múddesi úshin, qoǵamdaǵy, sonyń ishinde memlekettik organdar arasyndaǵy bólinýdiń aldyn alý jáne kerisinshe – birlikti nyǵaıtý maqsatynda qabyldadym, - dep jetkizdi prezıdenttiń sózin onyń baspasóz hatshysy Asqat Alagózov.

Osyǵan deıin Qyrǵyzstannyń UQMK basshylyq quramynda aýys-túıis bolǵanyn habarladyq. 

Qamchybek Tashıev mınıstrler kabıneti tóraǵasynyń orynbasary – UQMK tóraǵasy qyzmetinen bosatyldy. Sondaı-aq tóraǵanyń úsh orynbasary qyzmetinen bosatyldy.

UQMK tóraǵasynyń mindetin atqarýshy bolyp Jýmgalbek Shabdanbekov taǵaıyndaldy. Onyń kandıdatýrasy Qyrǵyzstan Respýblıkasy Jogorký Keneshine UQMK tóraǵasy qyzmetine taǵaıyndaýǵa bekitý úshin usynylyp otyr.